مرحبًا بك في منتديات نودزاوي

سجل عضويتك الان وتمتع بمشاهده المحتوي علي المنتدي بدون اي اعلانات مزعجه والتواصل مع الاعضاء والعديد من المميزات

التسجيل الان!

نكت في نكت جامده جدا ضحك للصبح


دكتور نودزاوي

مدير
طاقم الإدارة
مدير
إنضم
May 25, 2023
المشاركات
6,912
نقاط نودزاوي
1,511
الموضوع غرضه الضحك والفكاهه فقط
ولا يوجد اي نيه للاستهزاء او التريقه علي الصعايده او اي فئه بعينها

تحيات نودزاوي

صعايدة بيحششوا فجت كبسه كل واحد اسـتخبه في شوال جه الضابط ضرب الشوال الأول برجله خرج واحد منهم واعد يكاكي وعمل نفسه فرخه ضرب التاني خرج واحد يدن وعمل نفسه ديك ضرب التالت مخرجش ضربه تاني مخرجش ضربه جامد المرة دي خرج وقال له شوال
بطاطس بطاااااااطس انت مابتفهمش

مرة صعيدي بيشتكي من الديدان اللي ف بطنه داخ عند كل الدكاترة محدش عرف يعالجه آخر حاجة قالوله فيه شيخ بيشفي من كل الأمراض راحله واشتكي له حالته قال له مشكلتك بسيطة جدا تروح عند محل يبيع بطيخ وتشتري
بطيخة حمرة وكبيرة تقطع راسها وتقعد عليها بيقوم رئيس الديدان ينزل ويلحس منها شوية حيلاقيها حلوة هيقول للديدان انزلوا قام رايح صاحبنا واشتري اكبر بطيخة حمرا وقعد عليها نزل رئيس الديدان ولحس منها شوية ولقاها حلوة قال لهم شباب طلعوها

صعيدي ساله العسكري ليه مش رابط الحزام؟ قاله: اصلا انا مش لابس البنطلون


مقاول احضر مجموعة من الصعايدة لبناء كنيسة وطبعاً عارفين الصعايدة بيحبوا الغناء اثناء العمل قعدوا يغنوا" هيلا هيلا صلوا عا النبي " المقاول سمعهم قالهم هاتخربوا بيتي مش معقول تبنوا كنيسة وتغنوا " صلوا ع النبي" غنوا اي حاجة تانية، في اليوم التالي سمعهم بيغنوا" هيلا هيلا بص ع الحيطة " بص ع الحيطة شاف مكتوب عليها " صلوا ع النبي
واحد صعيدي شغال في السعودية بعت لامه كيلو شيكولاته فاتصلت عليه
وقالتله الصابون اللي بعته بيوسخ الهدوم

اتنين صعايدة عاوزين يشربو سجاير ومش معاهم قالو ندخل ميتم بيوزعو سجاير هناك، دخلو قعدو جمب واحد فى الصيوان بيدخن قال الاول : انفاس معدودة وقال التانى : كلنا لها رد الراجل : محدش واخد منها حاجة

واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور

نكته جامدهكان فيه خمسة بلدياتنا سموا نفسهم الشجعان التلاتة


واحد بلدياتنا اشترى كمبيوتر شال الموس وحط جاموسة

واحد بلدياتنا وقع فى حفرة نزلولوا حبل طلع مخنوق

ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم الي بيدرس في أمريكا و بيحضر دراسات
عليا. فقال لهم ابعتو لي بعض العينات من التربة

صعيدي سافر امريكا شرب من حنفية اوتوماتيك معرفش يقفلها قام رجع على اول طيارة لمصر..قام سالوا: ازي امريكا؟ قالهم :اسكتو زمانها غرقت يا بوووي

اربع صعايده دخلوا الإمتحان جلهم سؤال: كم عدد أرجل المعزه؟ بعد الأمتحان طلعوا كلهم ماعدا حسنين ولما ظهر قالوا له ليه مغششتناش قالهم: أصل المراقب كان جنبي وما اقدرتش أطلع المعزه

اتنين صعايده دخلو كليه الطب واحد اتخرج محامي والتاني محاسب

بلدياتنا لقى مصباح علاء الدين طلعله العفريت شبيك لبيك عبدك ملك اديك تطلب ايه؟عايز كوبري يوصل بين الصعيد ونيويورك رد عليه: لأ دي صعبه أوي شفلك طلب تاني طيب عايز الصعايده كلهم يبقول أذكيا ردعليه: انت قلتلي الكوبري رايح جاي ولا رايح بس؟

سألوا واحد صعيدي : مين أهم الشمس ولا القمر رد: القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ

واحد بلديتنا قاعد في مؤتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال
احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول

واحد راح يغير انبوبة بوتجاز لأمه فبيقولها قبل ما ينزل ادعيلي يا امه قالتله روح يا ابني ****** يفتحها في وشك

ثمانية صعايدة ماشيين وارا بعض وقعوا في بلاعة واحدة

محمدين وحسنين اشتروا حصانين وعايزين يحطوهم فى اسطبل واحد فمحمدين بيقول لحسنين انت علمت حصانك عشان مايتلخبطوش قالة لع فقالة خلاص انت تروح تعلم حصانك و انا اروح اعلم حصانى فرجعوا فمحمدين بيقول لحسانين علمتة بايه قالة جطعت ديلة قالة يووة وانا كمان جطعت ديلة خلاص احنا نعلمهم علامة تانية فراحوا الاتنين ورجعوا انت علمت حصانك باية جلعت عنية يووة وانا كمان علمتة باية كسرت رجلة يووة وانا كمان علمتة باية سلختة يوة وانا كمان علمتة باية حرقتة بجاز يوة وانا كمان خلاص احنا
تعبنا جوى انت خد الابيض وانا حخد الاسود

مرة صعيدي مسافر قال لقائدالطياره شكرا اوي على الرحلتين دول رد الطيار ليه بتقول اثنيين؟ قله علشان بالنسبه لي دي اول و اخر مره

ستة صعايدة عايزين يركبوا لمبة يعملوا اية؟ واحد يمسك اللمبة والخمسة يلفولوا السقف

واحد عنده دولاب عايز يطلعه الدور الرابع.بعت اتنين صعايده يطلعوة وبعد ما وصفلهم الشقه بص لقى واحد شايل الدولاب فساله امال فين زميلك؟ رد عليه وقله انا شايل الدولاب و زميلى جوة الدولاب شايل الرفوف

مرة واحد اسمة عزوز راح اشتغل عامل عند ميك****ي في يوم قال لصاحب الورشة انا اعرف رئيس الحي صاحب الورشة ماصدقه لكن بعد يومين فعلا مر رئيس الحي قدام الورشة وسلم على عزوز سلام حارجدا صاحب الورشة اعجب بعزوز وشغله اسطى فى الورشة وبعد يومين عزوز قال لصاحب الورشة انا اعرف الوزير قال لة لا صعبة جدا وفعلا بعد يومين مر الوزير قدام الورشة وسلم على عزوز صاحب الورشة ندهش وقال لعزوز يابني انا حجوزك بنتى وتمسك الورشة مكاني وبعد يومين قال عزوز لصاحب الورشة انا اعرف بوش ولكن صاحب الورشة قال بلاش تفشر علي عزوز قاله تعال نسافر وانا اعرفك وفعلا سافروامريكا ووقفوا امام البيت الابيض وعزوز قال شوف الشباك الابيض حأطلع بعد شوية
انا وبوش ونقول لك هاي وفعلا عزوز طلع هو و بوش بعد خمس دقائق صاحب الورشة اغمى علية وراح المستشفى ولما فاق عزوز سألة انت اغمى عليك علشان شفتني انا وبوش صاحب الورشة قال لا انا اغمى علي علشان انت والرئيس واقفين فى الشباك مر من امامي اثنين امريكان بيسألوني مين اللي واقف جنب عزوز ده؟؟

اتنين صعايده راكبين موتوسيكل طلع عليهم كشافين نور الاول قال للتاني ايه ده دول موتوسيكلين التاني قال له لا دي عربيه الاول قال له لا دول موتوسيكلين وهنخش من وسطهم وهوريك انهم موتوسيكلين المهم دخلوا من النص طلعت عربيه وراحم خابطين فيها الاول قال للتاني شفت الغبي اللي فى النص مكنش قايد النور

واحد صعيدي محشش قاعد مع صحابه وبيحكي الهم: انا مرة طلعلي
اسد وكان في ايدي كباية ميه فرميته بيها فالاسد طلع يجري رد عليه واحد من القاعدين: كلامك صح انا لما قابلت الاسد ضربته بالقلم ايدي اتبلت

واحد صعيدي لابس جزمة فردة بيضا وفردة سودة مر عليه صاحبه وقاله: ايه ياواد الجزمة الشيك دي؟ راح الاول حط رجل على رجل وقاله: وشرفك انت عندي جوز جزم تاني في البيت شبه بالزبط

اتنين صعايدة مساطيل الاول بيقول للتاني: انا شايفك اتنين قال التاني لا انا شايفك تلاتة المهم قالوا احنا نروح للعمدة وهو يحلها بنفسه فراحوا وعرضوا عليه المشكلة فقالهم: خلاص صحاب المشكلة يقعدوا على جنب والباقين دول كلهم يروحوا
اتنين صعايدة راحوا مكتب التنسيق علشان يقدموا في كلية الطب فالمسؤل سالهم جايبين كام؟ فردوا عليه احنا الاتنين 100% كل واحد 50%

صعيدي مراته خلفت توام فدخل عليها بالمسدس وقالها: فهمنا الاول مني والتاني من مين؟
صعيدي سافر القاهرة وانسرقت محفظته منه بلغ عنها فقال ****** الضابط: حجيبهالك من تحت الارض طلع الصعيدي بره لقى ناس بتحفر في الارض فقالهم الهمة يا رجالة هي سودة وفيها سوسته
واحد صعيدي كان بياكل بايده الشمال راح ابن عمه قال كدة الشيطان ياكل معاك راح حاطط سم فى الاكل
بلدياتنا خلف توؤم حلف على الدكتور ياخد واحد
ذهب واحد صعيدي لاول مره الى القاهره و معه زوجته و هما ماشيين في الشارع شافت الزوجه اوتوبيس فقالت شايف العربيه دي ماشيه من غير حمار ازاي؟ رد عليها: ما تكسيفيناش يا وليه الحمير جوه
مذيع تليفزيوني حب يثبت ان الصعايدة اذكياء فعمل برنامج مسابقات و استضاف 3 صعايدة فسأل الاول مين اللى انتصر فى الحرب العالمية التانية الحلفاء ولا المانيا النازية؟ فأجاب الحلفاء طبعا التفت الى التاني وسألة مين اللي كسب فى اخر ماتش الاهلي ولا الزمالك؟ فأجاب الاهلي طبعا فسأل التالت فهمت اية من اجابة السؤالين اللي فاتو؟ افهم ان المانيا حتلاعب الزمالك على التالت و
الرابع
 

المستخدمين الذين يشاهدون هذا الموضوع

أعلى